Tramp İranı körpülərini və elektrik stansiyalarını dağıtmaqla hədələyib

ABŞ Prezidenti Donald Tramp İran hakimiyyətindən yaxın vaxtlarda razılığa gəlməyi tələb edib və İslam Respublikasının mülki infrastruktur obyektlərini məhv edəcəyi ilə hədələyib.

Operativ Media xəbər verir ki, o, Tehran və Vaşinqton arasında razılaşmaların əldə olunmasını nəzərdə tutaraq "Truth Social" şəbəkəsində yazıb.

Amerikalı liderin sözlərinə görə, ABŞ Silahlı Qüvvələri "İranda qalanları hələ məhv etməyə başlamayıb". "Növbədə körpülər, sonra isə elektrik stansiyalarıdır! Hakimiyyətdəki yeni rejim nə etməli olduğunu və bunu tez bir zamanda reallaşdırmağın vacibliyini bilir!" – deyə o, qeyd edib.

Aprelin 2-də Əlborz vilayətinin rəsmiləri İranın ən mürəkkəb mühəndis qurğularından biri hesab edilən körpünün zərbə nəticəsində dağıldığını bildiriblər.