Tramp: ABŞ tezliklə yarımkeçirici və çip idxalına əhəmiyyətli tariflər tətbiq edəcək

ABŞ-də istehsal müəssisələri olmayan yarımkeçirici və mikroçip istehsal edən şirkətlərin mallarına tezliklə əhəmiyyətli idxal rüsumları tətbiq ediləcək.

Operativ Media xəbər verir ki, bunu ABŞ Prezidenti Donald Tramp Ağ Evdə jurnalistlərə açıqlamasında deyib.

"Biz ABŞ ərazisinə daxil olmayan şirkətlərə tariflər tətbiq edəcəyik, bu, tezliklə baş verəcək. Biz çox yüksək deyil, lakin kifayət qədər əhəmiyyətli rüsumlar tətbiq edəcəyik. Anlamaq lazımdır ki, əgər onlar (yarımkeçiricilər və mikroçip istehsalçıları) ölkəyə daxil olsalar, qursalar və ya ABŞ-yə daxil olmağı planlaşdırsalar, onda onlar üçün heç bir rüsum olmayacaq", - o bildirib.