Azərbaycanın aparıcı şərab istehsalçıları olan "Chabiant" və "Abşeron-Şərab" zavodunun məhsulları artıq İsveçin rəsmi içki satış şəbəkəsi olan "Systembolaget"də satışa çıxarılıb.

Operativ Media xəbər verir ki, bu barədə Azərbaycanın İsveçdəki səfiri Zaur Əhmədov "X"də paylaşım edib. 

İsveçli istehlakçılar indi Azərbaycanın zəngin torpaq və iqlim şəraitində yetişdirilən üzüm sortlarından hazırlanmış keyfiyyətli şərabları dadmaq imkanı əldə edəcəklər.

Azərbaycan şərablarının Avropa bazarında tanıdılması ölkənin ixrac potensialının gücləndirilməsi və milli brendin təşviqi baxımından əhəmiyyətli uğurdur.