Bu il “Yüksəliş” müsabiqəsində iştirak üçün rekord sayda iştirakçı qeydiyyatdan keçib

28 fevral 2025-ci il tarixində başlayan qeydiyyat mərhələsi 10 aprel 2025-ci ildə uğurla başa çatıb.

Operativ Media xəbər verir ki, bunu “Yüksəliş” müsabiqəsinin İşçi Qrupunun rəhbəri, gənclər və idman nazirinin müavini Fərhad Hacıyev bildirib.

Onun sözlərinə görə, bu müddət ərzində ümumilikdə 16 553 nəfər müsabiqəyə qatılmaq üçün müraciət edib:

"Bu göstərici ilə builki qeydiyyat əvvəlki illərlə müqayisədə rekord səviyyədə nəticə göstərib. Bu il müsabiqədə qeydiyyatdan keçmiş 16 553 iştirakçıdan 78 nəfərin müraciəti yaş və ali təhsil meyarlarına uyğun gəlmədiyi üçün məlumatların İşçi Qrupu tərəfindən yoxlanılması zamanı ləğv edilib".