Qeyri-sabit hava şəraitinə baxmayaraq yollarda heç bir məhdudiyyət yoxdur

Yağışlı hava şəraitinə baxmayaraq, hazırda respublika yollarında heç bir məhdudiyyət yoxdur.

Operativ Media xəbər verir ki, bu barədə DYP-nin şöbə rəisi Rövşən Tağıyev öz Facebook hesabında bildirib.

"Dağlıq və yağıntının intensiv olduğu ərazilərdə nəqliyyatın fasiləsiz hərəkəti üçün DYP əməkdaşları gücləndirilmiş rejimdə xidmət aparır. Zərurət olduqda yolların təmizlənməsi işlərinə aidiyyəti qurumlarla birgə xüsusi texnikalar da cəlb olunur" - deyə, o qeyd edib.