Azərbaycan Mərkəzi Bankı (AMB) və Avrasiya İnkişaf Bankı arasında strateji hədəflər müzakirə edilib.

Operativ Media bu barədə AMB-yə istinadən xəbər verir.

Məlumata görə, qurumun sədrinin I müavini Əliyar Məmmədyarov Avrasiya İnkişaf Bankının İdarə Heyətinin sədri Nikolay Podquzovun rəhbərlik etdiyi nümayəndə heyətini qəbul edib. Görüş zamanı Avrasiya İnkişaf Bankının strateji hədəfləri, region ölkələrindəki fəaliyyətinin istiqamətləri və layihələri, mərkəzi banklarla əməkdaşlıq təcrübəsi, eləcə də qarşılıqlı maraq doğuran digər məsələlər ətrafında fikir mübadiləsi aparılıb.