İyulun18-də Birləşmiş Krallığın Vudstok şəhərində keçirilən Avropa Siyasi İcmasının Zirvə toplantısında Fransa Prezidenti Emmanuel Makron mətbuat konfransı zamanı Azərbaycanla bağlı verdiyi qərəzli açıqlamalarla yadda qalıb.

"Operativ Media" xəbər verir ki, mətbuat konfransı zamanı azərbaycanlı jurnalistlər də Makrona suallar ünvanlayıblar.

İlk sual "ARB24" kanalının jurnalistindən gəlibş. O, Makrondan sülh danışıqları getdiyi ərəfədə Fransanın nə üçün Ermənistanı silahlandırdığını soruşub.

Makron bu suala qeyri-adi cavab verib. Belə ki, o iddia edib ki, Azərbaycan 2020-ci ildə Ermənistana hücum edib. Ermənistan silahlanma baxımından Azərbaycandan zəifdir. 

"Real TV"nin müxbiri isə qeyd edib ki, Azərbaycan beynəlxalq hüquqla özünə məxsus olan torpaqları erməni işğalından azad edib və Ermənistana hücum etməyib.

Bir neçə sualdan sonra isə Makron mövzunu dəyişməli olub. Həmin görüntüləri təqdim edirik: