"Sabah" BK-nın yeni idman direktoru bəlli oldu
Lukas Qrabauskas Sabah BK-nın yeni idman direktoru təyin olunub.
Operativ Media xəbər verir ki, bu haqda klubun mətbuat xidməti məlumat yayıb.
Son iş yeri Litva klubu «Lietkabelis» olan Lukas Qrabauskas, «Sabah» BK-nın idman direktoru vəzifəsini icra edəcək.
Basketbolda 15 ildən artıq təcrübəyə malik olan Qrabauskas, idman menecmenti və skautinq sahəsində geniş biliyə sahibdir. Son səkkiz il ərzində o, «Lietkabelis» klubunda çalışıb. Bu dövrdə klub Litvanın ən güclü komandaları arasında daim öz yerini qoruyaraq FIBA Çempionlar Liqası (BCL) və «EuroCup» kimi beynəlxalq turnirlərdə müntəzəm olaraq iştirak etmişdir.
Karyerasının əvvəlində isə Qrabauskas dünya səviyyəli NBA və Avropa Liqası klublarında staj keçərək beynəlxalq təcrübəsini daha da genişləndirmişdir.
«Sabah» BK kimi iddialı bir kluba qoşulmaqdan həqiqətən böyük həyəcan duyuram. Klubun vizyonuna və məqsədlərinə inanıram, davamlı inkişafına və uğuruna töhfə vermək üçün əlimdən gələni edəcəm. Birlikdə klubu və onun azarkeşlərini uğurla təmsil edən rəqabətli bir komanda qurmağa çalışacağıq.» — deyə Qrabauskas bildirib.
