Koreya yarımadasındakı vəziyyətə görə məsuliyyəti başqa yerdə axtarmaq əvəzinə, Birləşmiş Ştatlar regiondakı öz hərəkətlərini təhlil etməlidir. 

"Operativ Media" xəbər verir ki, bunu Çinin BMT-dəki daimi nümayəndəsinin müavini Qenq Şuanq deyib.

"Koreya yarımadasında hazırkı vəziyyət gərgin olaraq qalmaqda davam edir. Bu necə baş verdi? Birləşmiş Ştatlar adətən etdiyi kimi başqalarını günahlandırmaq və məsuliyyəti dəyişmək əvəzinə, öz hərəkətləri üzərində ciddi düşünməlidir", - o, BMT Təhlükəsizlik Şurasının KXDR ilə bağlı iclasında çıxışı zamanı deyib. 

Qenq Şuanq həmçinin vurğulayıb ki, Çin öz növbəsində Koreya yarımadasında gərginliyi azaltmaq və siyasi həlli təşviq etmək üçün səylər göstərir və onlar beynəlxalq ictimaiyyət tərəfindən yüksək qiymətləndirilir.