Hollandiyanın baş naziri Mark Rutte NATO-nun baş katibi vəzifəsinə təyin edilib.

"Operativ Media" xəbər verir ki, bu barədə o, sosial media hesabında müttəfiqlərinə təşəkkür edib və oktyabrın 1-də vəzifəsinin icrasını səbirsizliklə gözlədiyini bildirib.

"NATO-nun baş katibi vəzifəsinə təyin olunmaq böyük şərəfdir. Mənə güvəndikləri üçün bütün müttəfiqlərə minnətdaram. Qeyri-adi liderliyi təmin edən Yens Stoltenberqin varisi kimi oktyabrda böyük həvəslə bu rolu üzərimə götürməyi səbirsizliklə gözləyirəm", - Rutte qeyd edib.