Rusiyalı iş adamları Arkadi və İqor Rotenberq Ukraynada axtarışa verilib.

"Operativ Media" xəbər verir ki, bu barədə Ukrayna Daxili İşlər Nazirliyinin rəsmi saytında məlumat verilib.

Onlar "ibtidai istintaq orqanlarından gizlənən şəxslər" kateqoriyasında axtarışdadırlar. Ukrayna Cinayət Məcəlləsinin üç eyni maddəsi ilə ittiham irəli sürülüb. O cümlədən, onlar Ukrayna Cinayət Məcəlləsinin 110-2-ci maddəsinin 4-cü hissəsi (dövlət hakimiyyətini ələ keçirməyə yönəlmiş hərəkətləri maliyyələşdirmə, Ukrayna ərazisinin və ya dövlət sərhədinin sərhədlərini dəyişdirmə) ilə ittiham olunurlar.