İranlı tərəfdaşlarla problemlər səbəbindən Moskva və Tehran arasında hərtərəfli əməkdaşlıq sazişinin bağlanması səyləri müvəqqəti olaraq dayandırılıb. 

"Operativ Media" xəbər verir ki, bunu Rusiya Xarici İşlər Nazirliyinin Asiya departamentinin ikinci direktoru Zamir Kabulov deyib.

"Bu, iki ölkə rəhbərliyinin strateji qərarıdır. Təbii ki, proses iranlı tərəfdaşlarla yaranan problemlərə görə dayandırılıb", - Kabulov bildirib.

Eyni zamanda, Rusiya Xarici İşlər Nazirliyinin nümayəndəsi vurğulayıb ki, iş müqavilə mətni üzrə razılıq əldə olunana qədər tamamlanacaq. Bundan sonra Rusiya Federasiyası və İran liderləri razılaşmanın vaxtı və yeri ilə bağlı qərar verəcəklər.