Ukrayna prezidenti Vladimir Zelenski Hindistanın baş naziri Narendra Modiyə zəng edib.

"Operativ Media" xəbər verir ki, bu barədə Ukrayna lideri öz "Telegram" kanalında məlumat verib.

“Hindistanın baş naziri Narendra Modi ilə telefon danışığım olub, onu seçkilərdəki qələbəsi münasibətilə təbrik edirəm", - Ukrayna prezidenti bildirib.

Zelenski Modinin tezliklə hökumət qurmasını və məhsuldar iş görməsini arzulayıb.

Onun sözlərinə görə, tərəflər İsveçrədəki “sülh sammiti”nə hazırlıq məsələlərini də müzakirə ediblər. Ukrayna lideri qeyd edib ki, Kiyev Hindistanın ən yüksək səviyyədə iştirakını gözləyir. Zelenski həmçinin Modini Ukraynaya səfərə dəvət edib.

​​​​​