İstər Ermənistan, istərsə də Azərbaycan bir-birinin Konstitusiyalarını uzunmüddətli sülhün bərqərar olmasına maneə kimi görür, lakin onlara dəyişiklik edilməsi məsələsi Ermənistan-Azərbaycan danışıqlarının gündəliyində deyil.

"Operativ Media" xəbər verir ki, bunu Ermənistanın xarici işlər naziri Ararat Mirzoyan Parlamentdə çıxışı zamanı bildirib.

“Həm Azərbaycan, həm də Ermənistan bir-birinin Konstitusiyasında mühüm problemlər və uzunmüddətli sülhün bərqərar olması üçün maneələr gördüyü mövqeyini səsləndiriblər”, - XİN rəhbəri bildirib.

“Bizim və ya onların Konstitusiyasına düzəlişlər Ermənistan-Azərbaycan danışıqlarının gündəliyinə daxil deyil”, - Mirzoyan təkrar edib.

Xarici işlər naziri bildirib ki, ER hökuməti 2018-ci ildən Ermənistan Konstitusiyasına əlavə və dəyişikliklərin edilməsi haqqında danışıqlar aparır. Bu, Ermənistanın işidir, bu, ölkə daxilində həll olunmalıdır.