Rusiya Prezidenti Vladimir Putin və Qazaxıstan Prezidenti Kasım-Jomart Tokayev arasında telefon danışığı olub.

"Operativ Media" xəbər verir ki, bu barədə Kreml məlumat yayıb.

Məlumata görə, Putin və Tokayev iki ölkənin ticarət-iqtisadi, enerji və nəqliyyat-logistika sahələrində əməkdaşlığı müzakirə ediblər.

Prezidentlər xarici dövlətlərin liderləri ilə son təmaslarını dəyərləndiriblər.

Bundan başqa, tərəflər ŞƏT-ə üzv dövlətlərin Başçıları Şurasının iyulda Astanada keçirilməsi planlaşdırılan iclasına hazırlıq məsələlərini müzakirə ediblər.

Putin və Tokayev Rusiya-Qazaxıstan münasibətlərinin hərtərəfli möhkəmləndirilməsinə dair qarşılıqlı öhdəliklərini təsdiqləyiblər.