ABŞ Ukrayna ilə ikitərəfli təhlükəsizlik paktı imzalamağa yaxındır.

"Operativ Media" xəbər verir ki, bu barədə "The Financial Times (FT)" qəzeti mənbələrinə istinadən məlumat yayıb.

Məlumata görə, Amerika prezidenti Co Bayden və Ukrayna lideri Volodimir Zelenski iyunda İtaliyada keçiriləcək "Yeddilik" (G7) sammiti çərçivəsində razılıq əldə edə bilərlər.

Nəşrin yazdığına görə, bu saziş Ukraynanın NATO-ya üzv digər dövlətlərlə artıq bağladığı təhlükəsizlik sənədləri silsiləsində ən əhəmiyyətlisi olacaq. Müqavilə ABŞ-nin Ukraynaya uzunmüddətli dəstəyi, o cümlədən ukraynalı hərbçilərin təlimi, kəşfiyyat məlumatlarının mübadiləsi və iqtisadi yardımla bağlı öhdəlikləri müəyyən edəcək.