Gürcüstan Abxaziya və Cənubi Osetiyanı öz tərkibinə qaytarmaq və 2030-cu ildə Avropa İttifaqına (Aİ) üzv olmaq niyyətindədir. 

"Operativ Media" xəbər verir ki, bunu Gürcüstanın baş naziri İrakli Kobaxidze deyib.

"Bizim gürcü arzumuz 2030-cu ilə qədər abxaz və osetin qardaşlarımızla birlikdə vahid və güclü Gürcüstanda yaşamaqdır. Vahid və güclü Gürcüstan 2030-cu ildə Avropa ailəsinin tamhüquqlu üzvü olmalıdır", - Kobaxidze "X"də yazıb. 

Baş nazir mesajında ​​həm ölkə daxilində, həm də xaricdə yaşayan Gürcüstan vətəndaşlarını Müstəqillik Günü münasibətilə də təbrik edib.