Qarabağ Universiteti üzrə Çağrı Mərkəzi yaradılıb

Elm və Təhsil Nazirliyinin Çağrı Mərkəzi (146) yeni istiqamət üzrə vətəndaşların sorğularını cavablandıracaq. Belə ki, Çağrı Mərkəzinin 146 – 6 – 1 xidməti artıq istifadədir.

Nazirlikdən "Operativ Media"ya verilən məlumata görə, vətəndaşlar Qarabağ Universiteti ilə bağlı müvafiq nömrəyə zəng edə və suallarına qısa zaman ərzində cavab ala bilərlər. 

Əlavə olaraq bildiririk ki, universitetlə bağlı sualların cavablandırılması üçün (+994) 070 812 10 10 "WhatsApp" nömrəsi də istifadəyə verilib.