Tayvanın şərq sahillərində 5,6 bal gücündə zəlzələ qeydə alınıb.

"Operativ Media"nın xəbərinə görə, bu barədə adanın seysmoloji xidməti bildirib.

Yeraltı təkanların episentri Hualien şəhərindən 21,6 km cənubda, sahil zolağında, ocağı isə 29,8 km dərinlikdə yerləşib.

Torpaq titrəyişləri yeddi mahalın ərazisində hiss olunub.

Tələfat və dağıntılar barədə məlumat yoxdur.