Azərbaycanda məktəbəqədər təhsil sahəsində valideyn-dövlət-özəl əməkdaşlığına əsaslanan maliyyələşmə modeli tətbiq ediləcək.

Operativ Media xəbər verir ki, bu barədə Prezident İlham Əliyev Fərman imzalayıb.

Fərmana əsasən, bağçalarda valideyn-dövlət-özəl əməkdaşlığına əsaslanan maliyyələşmə modeli tətbiq ediləcək.

Yeni model üzrə dövlət dəstəyi Elm və Təhsil Nazirliyinin büdcəsi hesabına maliyyələşdiriləcək və hər il üçün tələb olunan vəsait Maliyyə Nazirliyi ilə razılaşdırılacaq.

Nazirlər Kabinetinə bu sistemin tətbiqi qaydasını üç ay müddətində hazırlayıb təsdiq etmək tapşırılıb.