Burkina-Fasonun qərbində kiçik miqyaslı qeyri-qanuni qızıl mədənində torpaq sürüşməsi nəticəsində 4 nəfər həlak olub.

"Operativ Media" xəbər verir ki, bu barədə Burkina Faso Xəbər Agentliyi məlumat yayıb.

Xəbərə görə, qeyri-qanuni fəaliyyət göstərən qızıl mədənində torpaq sürüşməsi baş verib.

Hadisə nəticəsində yaşları 18-24 arasında olan 4 nəfər ölüb.

Mədənin bir müddət əvvəl təhlükəsizlik riski səbəbindən bağlandığı, lakin qeyri-qanuni fəaliyyət göstərdiyi bildirilib/

Qeyd edək ki, bundan öncə ölkənin Namentenqa əyalətinin şimalında qızıl mədənində torpaq sürüşməsi nəticəsində 27 nəfər həlak olmuşdu.