Türkiyə Super Liqası təmsilçisi "Fənərbağça" daha bir futbolçu ilə yollarını ayırmağa hazırlaşır.

"Operativ Media" xəbər verir ki, "sarı-lacivertli" klubun portuqaliyalı futbolçusu Krespo klubu tərk etmək istəyir. Rəhbərliklə ortaq məxrəcə gələ bilməyən futbolçu çarəni başqa kluba getməkdə görür.

26 yaşlı futbolçunun İtaliya A Seriyası komandası "Cenoa"ya transfer olacağı gözlənilir. Artıq tərəflər arasında ilk danışıq müsbət yekunlaşıb.