Yeni mövsümdə I Liqada mübarizə aparacaq "Mingəçevir" transfer çalışmalarını davam etdirir.

"Operativ Media" xəbər verir ki, bölgə təmsilçisi "Qarabağ"ın əvəzedici komandasından Xəyal Muradov və Hüseyn Əliyevi transfer edib. Hər iki müdafiəçi 2024-cü ilin yayına qədər "Mingəçevir"in formasını geyinəcək.

I Liqa klubu bundan əvvəl Elsevər Bəkirzadə, Nihad Xəlili, Nicat Məmmədli, Əsədulla Heydərov, Elvin Əliyev, Elvin Əlizadə və Roman Hüseynovla müqavilənin müddətini bir illik artırıb.