Amerika Birləşmiş Ştatları İranın Yaxın Şərqdə təhlükəsizliyi təhdid edən nüvə silahı əldə etməsinin qarşısını almaq üçün bütün mümkün addımları atmağa davam etməyə hazırdır.

"Operativ Media" xəbər verir ki, bunu ABŞ-ın dövlət katibi Entoni Blinken Amerika İsrail İctimai Əlaqələr Komitəsinin tədbirində deyib. “Tehran müntəzəm olaraq israilliləri yer üzündən silməklə hədələyir. ABŞ-nin İsraili müdafiə etmək öhdəliyi qeyd-şərtsizdir” – deyə Blinken vurğulayıb. Dövlət Departamentinin rəhbəri İranın Rusiya ordusuna dronlar verdiyini, əvəzində yüksək texnologiyalı silahlar aldığını bildirib.