Maya Sandu: Azərbaycandan təbii qazın sərfəli qiymətə idxalına ümid edirik

Mayın 31-də Kişineuda Azərbaycan Respublikasının Prezidenti İlham Əliyevin Moldova Respublikasının Prezidenti Maya Sandu ilə görüşü olub.

"Operativ Media" Moldova prezidentinin mətbuat xidmətinə istinadən xəbər verir ki, görüş zamanı ikitərəfli əlaqələrin inkişaf perspektivləri müzakirə edilib.

"Son bir ildə Moldova Respublikası Azərbaycanla enerji, kənd təsərrüfatı və iqtisadiyyat sahələrində əməkdaşlığı intensivləşdirib. Bizim prioritetlərimizdən biri enerji təhlükəsizliyinin gücləndirilməsidir. Biz Azərbaycanla enerji sektorunda strateji tərəfdaşlığa, xüsusən də təbii qazın sərfəli qiymətə idxalına ümid edirik"-deyə Moldova prezidenti görüşdə bildirib.