Aralıq dənizində 11-i qadın, 150-si uşaq olmaqla 602 miqrant xilas edilib.

"Operativ Media" xəbər verir ki, xilasetmə əməliyyatını Sərhədsiz Həkimlər təşkilatına aid olan gəmi həyata keçirib. Məlumata görə, əməliyyat 3 saatdan çox davam edib. Xilas edilən miqrantlar İtaliya limanına aparılıb. Qeyd edək ki, indiyə qədər Aralıq dənizini keçməklə Afrikadan Avropaya 60 minə yaxın miqrant pənah aparıb ki, onlardan 1010 nəfəri ölüb, yaxud itkin düşmüş hesab edilir.