Portuqaliyanın Portimao şəhərində keçirilən bədii gimnastika üzrə beynəlxalq turnirdə Azərbaycan yığma komandasının üzvləri daha 4 medal qazanıblar. 

"Operativ Media" xəbər verir ki, Gövhər İbrahimova, Səkinəxanım İsmayılzadə, Mədinə Aslanova, İlahə Bahadırova, Ayan Sadıqova, Zəhra Cəfərovanın yer aldığı gənclərdən ibarət qrup komandası çoxnövçülük proqramında, eləcə də 5 ip və 5 topla hərəkətlərin icrasında qızıl, komandamızın digər üzvü Şəms Ağahüseynova isə topla hərəkətlərin icrasında bürünc medallara layiq görülüblər.