İtaliyanın "Fiorentina" futbol klubu Türkiyə təmsilçisi "Trabzonspor"un yarımmüdafiəçisi Krist Inao Ulainin keçidini rəsmən elan edib.

​Operativ Media xəbər verir ki, İtaliya təmsilçisi 20 yaşlı Kot-d'İvuar əsilli oyunçu ilə imzalanan müqavilənin müddəti barədə məlumat açıqlamayıb. "Transfermarkt" portalının verdiyi qiymətləndirməyə görə, bu transfer sövdələşməsinin dəyəri 26 milyon avro təşkil edib.

​Qeyd edək ki, gənc yarımmüdafiəçi 2025/2026-cı illər mövsümündə çıxış etdiyi bütün turnirlərdə ümumilikdə 31 qarşılaşmada meydana çıxaraq 2 qol və 4 məhsuldar ötürmə ilə yadda qalıb. Kot-d'İvuarın əsas milli komandasında 13 oyun keçirən futbolçu, bu matçların dördünə 2026-cı il Dünya Çempionatı çərçivəsində çıxıb.