Çin Xalq Respublikasının Maliyyə Nazirliyi və Fövqəladə Halların İdarə Edilməsi Nazirliyi ölkənin on bölgəsində təbii fəlakətlərlə mübarizə aparmaq üçün 430 milyon yuan (63 milyon dollar) ayırıb. 

Operativ Media xəbər verir ki, bu barədə "Sinxua" məlumat yayıb.

Məlumata görə, bu vəsait təxliyə edilənlərin yerləşdirilməsi, zədələnmiş mənzillərin yenidən qurulması üçün istifadə olunacaq.

Eyni zamanda, maliyyələşdirmə axtarış-xilasetmə əməliyyatlarının aparılmasına, əhalinin təxliyəsinə, fövqəladə halların nəticələrinin aradan qaldırılmasına və zərəri minimuma endirmək üçün ikinci dərəcəli fəlakətlərin risklərinin monitorinqinə yönəlib.