Türkiyə Prezidenti Rəcəb Tayyib Ərdoğan ölkəsinin ABŞ-nin yeni nəsil F-35 qırıcılarının istehsalı proqramına qayıdacağına əminliyini ifadə edib.

Operativ Media xəbər verir ki, o, bu haqda 7-8 iyul tarixlərində Ankarada keçirilən NATO sammitinin yekunlarına dair "X" sosial şəbəkəsindəki hesabında yazıb.

​"İnanıram ki, hörmətli dostum, ABŞ Prezidenti Donald Tramp ilə apardığımız konstruktiv və səmərəli müzakirələr müdafiə sənayesi sahəsində, xüsusilə də milli qırıcımız "Kaan" və F-35 proqramı ilə bağlı ölkəmizin gözləntilərinə uyğun konkret nəticələr verəcək", - deyə o, qeyd edib.

​Daha əvvəl sammitin yekun mətbuat konfransında çıxış edən Türkiyə lideri Trampın Türkiyəyə F-35 qırıcılarının tədarükünə müsbət yanaşdığını bildirib. ABŞ Prezidenti isə öz növbəsində bu məsələ ilə bağlı hələlik yekun qərar vermədiyini bəyan edib.

​Türkiyə 2017-ci ildə Rusiyadan 2,5 milyard dollar dəyərində dörd divizion S-400 zenit-raket kompleksi alıb. 2019-cu ilin oktyabrında "Rosoboronexport" şirkəti ("Rostex" dövlət korporasiyasının tərkibinə daxildir) sistemlərin tədarükü müqaviləsinin tam yerinə yetirildiyini açıqlayıb. Türkiyə ilə Rusiya arasında S-400 alqı-satqısı barədə müqavilə imzalandıqdan sonra Ankara ABŞ-nin qırıcı təyyarələrin yaradılması proqramından çıxarılıb.