​"Axmat" yarımmüdafiəçi Julio Romaonu heyətinə qatıb.

Operativ Media xəbər verir ki, bu barədə klubun mətbuat xidməti məlumat yayıb. 

​Qroznı klubu 28 yaşlı braziliyalı futbolçu ilə 3 illik razılaşma əldə edib.

Romao 2025-ci ilin fevralından 2026-cı ilin iyununa qədər "Ferentsvaroş"da çıxış edib. Yarımmüdafiəçi 2025/26 mövsümündə Macarıstan komandasının heyətində bütün turnirlərdə 27 oyunda meydanda olub və 1 məhsuldar ötürmə ilə yadda qalıb.

​"Ferentsvaroş"dan başqa, Romao Braziliyanın "Ponte Preta" və "Santa Kruz", Portuqaliyanın "Santa Klara" və "Qarabağ" klublarında da çıxış edib.