"WhatsApp" messenceri istifadəçilərə uzun müddətdir gözlənilən yeniliyi təqdim edib.

Operativ Media xəbər verir ki, indi platformada istifadəçi adı (username) seçmək mümkündür. Bu funksiya sayəsində istifadəçilər yeni kontaktlarla əlaqə qurarkən telefon nömrələrini paylaşmaq məcburiyyətində qalmayacaqlar.

"WhatsApp"ın rəsmi açıqlamasına görə, 3 milyarddan çox istifadəçisi olan platforma bu yeniliyi mərhələli şəkildə yayır. Artıq bu həftədən etibarən qlobal səviyyədə username (istifadəçi adı) rezervasiyası başlayıb. İstifadəçilər gələcəkdə istifadə etmək üçün istədikləri adı indi qeydiyyatdan keçirə bilərlər. 

İstifadəçi adını necə rezervasiya etmək olar?

• Tətbiqin son versiyasını yeniləyin.
• Parametrlər (Settings) → Hesab (Account) → Username bölməsinə daxil olun.
• İstədiyiniz adı daxil edin. Mövcud olarsa, dərhal rezerv edin.

"WhatsApp" rəhbərliyi qeyd edib ki, adlar “birinci gələn, birinci götürər” prinsipi ilə paylanacaq. Qeyd edək ki, tam funksiya bu ilin sonuna kimi mərhələli şəkildə bütün istifadəçilərə çatacaq. Bu yenilik "WhatsApp"ı rəqibləri (məsələn, Telegram və Signal) ilə daha rəqabətli edəcək və istifadəçilərə daha təhlükəsiz kommunikasiya imkanı verəcək.