ABŞ millisinin üzvü zədələndi
ABŞ millisinin və "Atletiko"nun yarımmüdafiəçisi Conni Kardozo dünya çempionatının final mərhələsinin başlamasına beş həftə qalmış topuq nahiyəsindən zədə alıb.
Operativ Media xəbər verir ki, bu barədə klubun mətbuat xidməti məlumat yayıb.
24 yaşlı amerikalı futbolçu məşq zamanı zədələnib. Müayinə nəticəsində onun sağ topuğunda dartılma aşkarlanıb və oyunçunun reabilitasiya keçəcəyi bildirilib. Bununla belə, klub futbolçunun yaşıl meydanlara qayıtma müddətini dəqiqləşdirməyib.
Yarımmüdafiəçi 2025/26 mövsümündə artıq sentyabrda topuq zədəsi, dekabrda isə diz nahiyəsinin əzilməsi ilə üzləşmişdi. O, cari mövsümdə keçirdiyi 30 matçda 1 qol vurub.
Hazırda Kardozonun mayın 26-da Nyu-Yorkda elan olunacaq DÇ-2026-nın rəsmi heyətinə qədər bərpa oluna bilməmə ehtimalı var. ABŞ millisinin heyətində 23 oyuna çıxan futbolçu hələlik məhsuldar göstəricilərlə yadda qalmayıb.
