Rasim Balayev dəfn edilib - YENİLƏNİB 2

Azərbaycan Kinematoqrafçılar İttifaqının sədri Rasim Balayev l Fəxri xiyabanda dəfn edilib.

Operativ Media xəbər verir ki, Xalq artistinin dəfn mərasimində ailə üzvləri, incəsənət və mədəniyyət nümayəndələri, mədəniyyət nazirliyinin əməkdaşları və sevənləri iştirak ediblər.

Qeyd edək ki, R.Balayev ötən gün İstanbul Memorial Xəstəxanasında vəfat edib.

13:26

Azərbaycan Kinematoqrafçılar İttifaqının sədri Rasim Balayevlə vida mərasimi başa çatıb.

Operativ Media xəbər verir ki, vida mərasimində baş nazir Əli Əsədov, fövqəladə hallar naziri Kəmallədin Heydərov, mədəniyyət nazirinin müavini Səadət Yusifova, Xalq şairi Ramiz Rövşən, Xalq artisti Fəxrəddin Manafov, bir çox mədəniyyət xadimləri, mərhumun dostları və ailə üzvləri iştirak ediblər.

Qeyd edək ki, Rasim Balayev l Fəxri xiyabanda dəfn ediləcək.

12:00

Xalq artisti Rasim Balayevlə Azərbaycan Dövlət Akademik Milli Dram Teatrında vida mərasimi keçirilir.

Operativ Media xəbər verir ki, mərasimdə ölkənin ədəbi-ictimai xadimləri, Mədəniyyət Nazirliyinin təmsilçiləri, media nümayəndələri iştirak edirlər.

Xalq artisti I Fəxri Xiyabanda dəfn ediləcək.

Qeyd edək ki, Rasim Balayev dünən İstanbulda müalicə aldığı “Memorial” klinikada vəfat edib.