Oman Körfəzdəki hücumlar səbəbindən əsas neft terminalından gəmiləri təxliyə edib

Fars körfəzindəki vəziyyətin gərginləşməsi fonunda Oman ehtiyat tədbiri olaraq əsas Mina əl-Fəhal neft ixrac terminalından bütün gəmilərini geri çəkib.

Operativ Media xəbər verir ki, bu barədə "Bloomberg" məlumat yayıb.

Mina əl-Fəhal Hörmüz boğazının xaricində yerləşir və ölkənin əsas neft ixrac mərkəzlərindən biridir. Kpler analitik şirkətinin məlumatına görə, bu terminal vasitəsilə gündə təxminən 1 milyon barel Oman nefti daşınır. 

Eskalasiya bölgədəki gəmilərə və liman infrastrukturuna edilən bir sıra hücumlarla əlaqədardır. Xüsusilə, İraq ərazi sularında iki neft tankerinə zərər dəyib, bundan sonra yerli neft terminalları fəaliyyətini müvəqqəti olaraq dayandırıb. Həmçinin, Omanın Salalah limanında yanacaq çənlərinə dronların hücum etdiyi və sonradan konteyner və yük terminallarında əməliyyatların dayandırıldığı bildirilib. Eyni zamanda, ölkənin bir sıra digər limanları da adi rejimdə fəaliyyətini davam etdirir.