Tailand bayrağı altında üzən ticarət gəmisi Oman sahillərində qəzaya uğrayıb

Tailand bayrağı altında üzən "MAYUREE NAREE" ticarət gəmisi Oman sahillərində qəzaya uğrayıb.

Operativ Media xəbər verir ki, bu barədə Omanın "ONA" xəbər agentliyi məlumat yayıb.

Bildirilib ki, gəmidə yanğın baş verib və heyət təxliyə edilib.

Oman Kral Dəniz Qüvvələri Tailand vətəndaşı olan 20 nəfəri təxliyə edib, heyət üzvləri müxtəlif dərəcəli xəsarətlər alıblar.