Nikol Paşinyan Müctəba Xameneini ali lider seçilməsi münasibətilə təbrik edib

Ermənistanın Baş naziri Nikol Paşinyan Müctəba Xameneiyə İranın ali lideri seçilməsi münasibətilə ünvanladığı təbrik məktubunda ikitərəfli münasibətlərin gələcəkdə də inkişaf edəcəyinə ümidvar olduğunu bildirib.

Operativ Media xəbər verir ki, bu barədə Ermənistan hökumətinin mətbuat xidməti məlumat yayıb.

Paşinyanın mətbuat xidmətinin sitat gətirdiyi məktubda deyilir: "Sizi İslam İnqilabının ali lideri vəzifəsinə seçilməyiniz münasibətilə təbrik edirəm. Əminəm ki, Ermənistan və İran arasındakı möhkəm əlaqələr bundan sonra da inkişaf edərək yeni uğurlara imza atacaq. Fürsətdən istifadə edərək, dost İran xalqına firavanlıq və möhkəm sülh arzulayıram".