BMT İsrail və ABŞ-nin İrana hücumlarının təşkilatın nizamnaməsini pozduğunu etiraf edib

BMT-nin Müstəqil Fakt Araşdırma Missiyası İsrail və ABŞ-nin İrana qarşı hərbi əməliyyatlarının BMT Nizamnaməsinə zidd olduğunu bəyan edib.

Operativ Media xəbər verir ki, bu barədə missiyanın yaydığı bəyanatda bildirilir.

"İran İslam Respublikası üzrə Müstəqil Faktaraşdırıcı Missiya İsrail və Amerika Birləşmiş Ştatlarının İrana endirdiyi zərbələri qətiyyətlə pisləyir. İranın regionda cavab zərbələri ilə müşayiət olunan bu hücumlar hər hansı bir dövlətin ərazi bütövlüyünə və ya siyasi müstəqilliyinə qarşı güc tətbiqini qadağan edən BMT Nizamnaməsinə ziddir. Beynəlxalq hüququn prinsipləri hamıya eyni şəkildə tətbiq edilməlidir — onlar hərəkəti həyata keçirən dövlətin kimliyindən asılı olaraq fərqli şərh edilə bilməz", — deyə sənəddə qeyd olunur.