İraqda hərbi bazaya hücum edilib

İraqda Bağdadın cənubundakı Curf əl-Səxar rayonunda yerləşən və Haşd əl-Şəabi (Xalq Səfərbərlik Qüvvələri) bölmələrinin yerləşdiyi hərbi bazaya hava hücumu həyata keçirilib.

Operativ Media xəbər verir ki, bu barədə "Shafaq News Arabic" məlumat yayıb.

Bildirilib ki, zərbə Haşd əl-Şaabi milisinin bir hissəsi olan və ən nüfuzlu İranpərəst qruplaşmalardan biri hesab edilən Kataib Hizbullahın 47-ci briqadasını hədəf alıb.

Agentliyin mənbələri bazanın bombalandığını və itkilərin olduğunu təsdiqləyib.