BMT Əfqanıstan və Pakistanı dialoqa çağırıb
Operativ Media
BMT-nin İnsan hüquqları üzrə Ali komissarı Folker Türk insan tələfatı ilə nəticələnən sərhədyanı toqquşmalar və hava zərbələri fonunda Əfqanıstan ilə Pakistan arasında siyasi dialoqa çağırıb.
Operativ Media xəbər verir ki, bu barədə BMT-nin Əfqanıstana Yardım Missiyasının (UNAMA) məlumat yayıb.
Bildirilib ki, 2025-ci ilin son üç ayı ərzində ölkədə 70 mülki şəxs həlak olub, 478 nəfər yaralanıb.
“Vəziyyət növbəti eskalasiyanı deyil, təcili siyasi dialoqu tələb edir. Bu həftə yenidən itkilər qeydə alınıb; hava zərbələri nəticəsində 13 mülki şəxs həlak olub, bir neçə nəfər yaralanıb”, – deyə Folker Türk bildirib.
