Braziliyada şiddətli yağışlar 30 nəfərin ölümünə səbəb olub

Braziliyanın Minas-Jerays ştatını bürüyən güclü yağışlar nəticəsində ölənlərin sayı 30-a çatıb.

Operativ Media xəbər verir ki, bu barədə "CNN Brasil" məlumat yayıb.

Bildirilib ki, daha 39 nəfər isə itkin düşüb.

Leysan yağışlar ştatda daşqınlara və torpaq sürüşmələrinə səbəb olub. Ən çox ziyan Juiz de Fora və Uba şəhərlərinə dəyib. Təxminən 440 nəfər evsiz qalıb. Uçmuş binaların dağıntıları altından on üç sakin xilas edilib. Ümumilikdə 208 qurban xilas edilib və artıq lazımi tibbi yardım alırlar.

Daha əvvəl Braziliyanın vitse-prezidenti Geraldo Alkmin ölkə hakimiyyətinin qurbanları axtarmaq və onlara yardım göstərmək üçün helikopterlər və hərbi texnika da daxil olmaqla silahlı qüvvələr göndərdiyini qeyd etmişdi.