Özbəkistan Respublikasının Prezidenti Şavkat Mirziyoyev 17-19 fevral tarixlərində Sülh Şurasının təsis iclasında iştirak etmək üçün Vaşinqtona işgüzar səfər edəcək.

Operativ Media xəbər verir ki, bu barədə "Uza.uz" məlumat yayıb.

Şuranın ilk zirvə görüşü ABŞ Sülh İnstitutunda keçiriləcək və Qəzza zolağının yenidən qurulması, ona humanitar yardım göstərilməsi və regionda sülhün və sabitliyin təmin edilməsi məsələləri müzakirə olunacaq.

Səfərin işgüzar proqramı çərçivəsində Özbəkistan liderinin aparıcı Amerika şirkətlərinin və maliyyə qurumlarının rəhbərlərinin iştirakı ilə strateji layihələrin təqdimatında, eləcə də iqtisadi sahədə ikitərəfli sənədlərin imzalanması mərasimində iştirakı gözlənilir.