“Fənərbaxça” rəhbərliyi növbəti mövsüm ərəfəsində transfer bazarında fəallaşmağı hədəfləyir.

Operativ Media-nın Almaniyanın “Bild” nəşrinə istinadən yaydığı məlumata görə, İstanbul klubu “Bavariya”nın və Almaniya yığmasının təcrübəli futbolçusu Leon Qoretzkanı transfer siyahısına daxil edib.

Hazırda 30 yaşı olan mərkəz yarımmüdafiəçisi Münhen təmsilçisi ilə 2026-cı il iyunun sonunadək qüvvədə olan müqaviləyə sahibdir.

Karyerası ərzində “Bohum” və “Şalke”nin formasını geyinən Qoretzka 2018-ci ildən etibarən “Bavariya”da çıxış edir və bu müddətdə komandanın əsas oyunçularından biri olub.