"Mançester Yunayted" və "Bayer"in keçmiş baş məşqçisi Erik ten Haq Niderlandiın "Tvente" klubunun yeni texniki direktoru olub.

Operativ Media bildirir ki, klubun mətbuat xidməti bu barədə komandanın rəsmi saytında məlumat verib. O, yeni vəzifəsinə 1 fevral 2026-cı ildə başlayacaq.

Erik ten Haqın müqaviləsi iki mövsüm, 2028-ci ilin yayına qədər qüvvədə olacaq. Keçmiş məşqçi mövsümün sonunda təqaüdə çıxdığını elan edən hazırkı texniki direktor Yan Ştrüeri əvəz edəcək.

Erik ten Haq "Tvente"də futbolçu kimi çıxış edib. O, klubun 17 yaşadək futbolçulardan ibarət komandasının baş məşqçisi kimi debütünü 2002-ci ildə edib.