Çin Tayvanın ətrafındakı beş ərazidə hərbi təlimlər keçirəcək

Çinin Xalq Azadlıq Ordusunun Şərq Zonası Döyüş Komandanlığı dekabrın 30-da Tayvan yaxınlığındakı beş dəniz ərazisində və hava məkanında döyüş atışları da daxil olmaqla genişmiqyaslı hərbi təlimlər keçirəcək.

Operativ Media xəbər verir ki, bu haqda "Xinhua" agentliyi məlumat yayıb.

Bildirişə əsasən, manevrlər yerli vaxtla səhər saat 8:00-dan axşam saat 18:00-dək davam edəcək. Komandanlıq Tayvan boğazında, Şərqi Çin dənizində, Cənubi Çin dənizində və Filippin dənizində yerləşən beş təlim zonasının dəqiq koordinatlarını dərc edib.

Təhlükəsizlik məqsədilə icazəsiz gəmilərə və təyyarələrə atəş açılan müddətdə müəyyən edilmiş sulara və hava məkanına daxil olmamaq tövsiyə edilir.