Britaniya və Almaniya 70 milyon dollarlıq hərbi müqavilə imzalayıb

Böyük Britaniya  Almaniya ilə zirehli texnikalara quraşdırılan, hərəkətdə atəş aça bilən və 70 kilometrdən çox məsafədəki hədəfləri vura bilən qabaqcıl artilleriya almaq üçün 52 milyon funt sterlinq (70 milyon dollar) dəyərində birgə satınalma müqaviləsi imzaladığını bildirib.

Operativ Media xəbər verir ki, bu barədə "Reuters" məlumat yayıb.

Böyük Britaniya Müdafiə Nazirliyinin açıqlamasına görə, müqavilənin nəticəsi olaraq, Britaniya Ordusu RCH 155 sisteminin nümayiş modelini və Almaniyada sınaq üçün iki qurğu alacaq.

Məlumata görə, sistem Fransa-Almaniya müdafiə şirkəti KNDS və Almaniyanın Rheinmetall şirkəti tərəfindən istehsal olunur.

Qeyd edək ki, sistem hərəkətdə olarkən dəqiqədə səkkiz atəş aça, iki nəfərlik heyətlə işləyə və yanacaq doldurmadan 700 km məsafə qət edə bilər.