Qərbə Ukraynada danışıqlar aparmaq əvəzinə, NATO qoşunlarını ora göndərmək üçün münaqişənin gərginləşməsi lazımdır. 

"Operativ Media" xəbər verir ki, bunu Belarus Prezidenti Aleksandr Lukaşenko Minsk Respublika sarayında iyulun 3-də qeyd olunan Belarusun Müstəqillik Gününə həsr olunmuş təntənəli yığıncaqda deyib.

"Bu gün Ukraynaya külli miqdarda pul yatırılıb. Ancaq döyüşəcək heç kim yoxdur, ona görə də NATO bölmələrinin tətbiqi üçün ciddi eskalasiya lazımdır", - Lukaşenko qeyd edib. Onun sözlərinə görə, ukraynalılar üçün cəbhədəki vəziyyət "fəlakətli və çox ciddidir".

Eyni zamanda, respublika prezidentinin sözlərinə görə, Belarus hərbi əməliyyatlarda iştirak etmək niyyətində deyil.