ABŞ-Serbiya müdafiə əməkdaşlığı regionda sülh və sabitliyə kömək edir və dövlətin müdafiə qabiliyyətini artırır.

"Operativ Media" xəbər verir ki, Serbiya prezidenti Aleksandar Vuçiç bu barədə ABŞ Hərbi Hava Qüvvələrinin Avropa və Afrikadakı komandanı general Ceyms Hekkerlə görüşdən sonra bildirib.

"Biz həmçinin Serbiya və ABŞ arasında müdafiə qabiliyyətimizin gücləndirilməsinə töhfə verən ikitərəfli müdafiə əməkdaşlığının gücləndirilməsini müzakirə etdik", - Vuçiç bildirib.

Dövlət başçısı qeyd edib ki, NATO-nun Kosovodakı qüvvələri (KFOR) regionda sülhün və təhlükəsizliyin təminatçısıdır.