Los-Anceles qraflığında böyük magistral yolun yaxınlığında minlərlə hektar əraziyə yayılan və yaxınlıqdakı tikililəri təhlükə altına alan meşə yanğını baş verib, ən azı 1200 nəfəri təxliyə edib.

"Operativ Media" xəbər verir ki, bu barədə "Associated Press" məlumat yayıb. 

Los-Anceles Şəhristanı Yanğınsöndürmə İdarəsi Kaliforniya Dövlət Park Xidmətinin Gormanın Hungry Valley İstirahət Bölgəsindən 1200 nəfəri təxliyə etdiyini və Hungry Valley və Piramida Gölü Su Anbarının yanğın təhlükəsi səbəbindən bağlandığını bildirib.

Kaliforniya Meşə Təsərrüfatı və Yanğın Xidmətləri Departamentinin məlumatına görə, Los-Ancelesdən təxminən 100 kilometr şimal-qərbdə yerləşən Gorman şəhərində 14,5 kvadrat kilometrdən çox ərazi yanıb.