İran İslam İnqilabı Keşikçiləri Korpusunun (SEPAH) Hərbi Dəniz Qüvvələri Hörmüz boğazında keçirilən genişmiqyaslı hərbi təlimlər zamanı "Səyyad-3" zenit raketinin dəniz versiyasını uğurla sınaqdan keçirib.

Operativ Media "Mehr" agentliyinə istinadən xəbər verir ki, İranın uzaq mənzilli zenit raketinin dəniz versiyası olan "Sayyad-3" SEPAH tərəfindən keçirilən hərbi təlimlər zamanı ilk dəfə uğurla buraxılıb.

Agentlik raketin "Hörmüz boğazının ağıllı idarə olunması" dəniz təlimləri zamanı Şahid Səyyad Şiraz hərbi gəmisindən atıldığını qeyd edib.